No. 96

這次來一個飲料系列, 有時候在尋找廢墟時會找到一些舊的玻璃樽, 罐, 或紙包飲品盒, 其實也很有特色的, 細心留意身邊的事物, 會發現不少樂趣的.

一些舊村, 雖然仍沒有荒廢, 卻可能在破屋之中執到寶. 相信之前是一間士多, 後面的雜物房有數盤舊樽, 當中一盤是60, 70, 80年代的七喜玻璃樽, 其中"Fresh up with 7-up" 是60年代的, 真是比較少見!

80年代的維他奶樽, 印有用大豆植物脂肪等製成及加有維他命甲乙1乙2...以前冬天熱飲一流.

79年的中樽玉泉, 沒有LOGO只有印英文字. 呢款我未飲過, 反而細樽玉泉細個就成日飲了! 細個時喜歡玉泉忌廉多過可樂.

以往在香港輝煌一時的綠寶, 今天已經絕跡了, 有小店售賣的也是外地進口, 大家不妨上youtube 搵下舊時綠寶嘅廣告回味下啦! 這個樽是90年代的產物.

又係綠寶, 不過今次焦點係個膠盤, 印有淘化大同綠寶廠. 內裡還有很多綠寶樽呀!!

Watson's 屈臣氏的汽水歷史悠久, 而樽裝的汽水都好像在80年代前停產 (有錯請指正). 而罐裝汽水則以"沙示"最為有名. 

屈臣氏汽水就未飲過, 不過蒸餾水就成日飲了. 這個是舊LOGO的屈臣氏的大蒸餾水膠樽, 現今比較少有了.

維他奶同麥精就似天生一對咁, 兩種都幾好飲. 這兩個盒特別之處在於有紅點! 事源1995年10月有人投訴維他奶飲到有火水味, 差不多時間亦有其他人投訴麥精有酸味, 結果要全面回收及停產. 生產線重組後出產的維他奶同麥精就有紅點貼紙, 註明是全新製造的, 因此有紅點貼紙只出現很短時間.

有維他點可以無陽光, 兩家在紙包飲品市場是死對頭吧! 這個陽光檸檬茶HI-C的I上面有粒星是比較早期, 而檸檬位的是橫間的, 後期的是斜間. 老實講375好多時飲唔晒, 本人都係飲細包裝多.

小學時都係飲維他樽裝可樂, 而罐裝就未飲過, 原本是紅色的罐已褪色了, 更像可樂的顏色吧!